İsrail ordusunun Qəzza zolağının müxtəlif nöqtələrinə endirdiyi hava zərbələri nəticəsində çoxlu sayda fələstinli həyatını itirib və yaralanıb.
"Operativ Məlumat Mərkəzi-OMM" xəbər verir ki, bu barədə "WAFA" xəbər agentliyi məlumat verib.
Belə ki, İsrail döyüş təyyarələrinin Qəzza zolağının cənubundakı Rəfah şəhərini bombalaması nəticəsində 11 nəfər ölüb, çox sayda insan yaralanıb.
İsrail artilleriya bölmələri də gecə boyu Xan Yunisdəki bir neçə məntəqəni hədəfə alıb. Hücumlarda çoxlu sayda insan ölüb və yaralanıb.
