İspaniyada azlıq təşkil edən sol koalisiya hökuməti İsrailə qarşı tam silah embarqosu tətbiq edən Kral fərmanını təsdiqləyib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Hökumət Nazirlər Şurasının həftəlik iclasında İsrailə qarşı sanksiyalarla bağlı əvvəlki qərarları tamamlayan fərmanların təsdiqləndiyini açıqlayıb.
İclasdan sonra keçirilən mətbuat konfransında İspaniyanın iqtisadiyyat, ticarət və şirkətlər naziri Carlos Cuerpo bildirib:
“İsrailə tam silah embarqosu üçün Kral fərmanı təsdiqləndi. Bu, bütün müdafiə avadanlıqlarının, həmçinin ikili istifadə məhsul və texnologiyaların İsrailə ixracı və idxalının qadağan olunmasını nəzərdə tutur”.
