İran prezidenti Məsud Pezeşkian İsrailə qarşı mümkün cavab tədbirləri ilə bağlı açıqlamalar verib.
"Operativ Məlumat Mərkəzi-OMM" xəbər verir ki, bu barədə Pezeşkian paytaxt Tehranda keçirilən Nazirlər Kabinetinin iclasında çıxış edərkən danışıb.
Pezeşkian ölkəsinə qarşı hücumlara cavab verəcəklərini, lakin bu cavabın növü və şiddətinin İsrailin atəşkəsi qəbul edəcəyi təqdirdə dəyişə biləcəyini söyləyib.
İsrailin bölgədəki hücumlarına diqqət çəkən Pezeşkian, ABŞ və Avropa liderlərinin İranın HƏMAS Siyasi Bürosunun sədri İsmayıl Haniyənin öldürülməsinə cavab vermədiyi təqdirdə Qəzzada atəşkəs elan edəcəklərini vəd etdiklərini də xatırladıb.
