İsrail Qəzzadan fələstinliləri təxliyə etməyə hazırlaşır

İsrailin müdafiə naziri İsrael Katz orduya Qəzza sakinlərinin könüllü olaraq bölgəni tərk edərək başqa ölkələrə köçməsinə imkan verəcək plan hazırlamağı tapşırıb.

"Operativ Məlumat Mərkəzi-OMM" xəbər verir ki, bu barədə Müdafiə Nazirliyinin mətbuat xidməti məlumat yayıb.

Katz ABŞ prezidenti Donald Trampın fələstinlilərin köçürülməsi planını alqışladığını bildirib.

Onun sözlərinə görə, dünyanın bir çox ölkələrində olduğu kimi fələstinlilərə də çıxış və miqrasiya azadlığı verilməlidir.

Nazir bəyan edib ki, plana quru yolu ilə çıxış imkanı ilə yanaşı, dəniz və hava yolu ilə çıxış üçün xüsusi tədbirlər də nəzərdə tutulub.