İran ərazi bütövlüyünü müdafiə etmək əzmində olduğunu bəyan edib

İran Xarici İşlər Nazirliyinin sözçüsü İsmayıl Bəqayi bildirib ki, İran İsrailin təcavüzünə qarşı öz ərazi bütövlüyünü qətiyyətlə müdafiə edəcək.

"Operativ Məlumat Mərkəzi-OMM" xəbər verir ki, bu barədə İRNA xəbər agentliyi məlumat yayıb.

“Bizim ərazi bütövlüyümüzü müdafiə etməkdən başqa seçimimiz yoxdur”,- deyə o bildirib.

Bəqayi, “məcbur edilmiş müharibəyə qarşı yeganə həll yolunun qanuni müdafiə olduğunu” vurğulayaraq, beynəlxalq hüququn heç kimə dövlətləri təzyiq və təhdid altında razılaşmaları qəbul etməyə məcbur etməsinə icazə vermədiyini qeyd edib.

ABŞ prezidenti Tramp ötən gün verdiyi açıqlamada Tehranın onun ultimatumunu qəbul etmədiyi təqdirdə ölkəsinin birbaşa İran və İsrail arasındakı münaqişəyə qoşula biləcəyinə işarə edib.