İndoneziyanın İbu vulkanında bir gündə 3 partlayış baş verib

İndoneziyanın Şimali Maluku əyalətində yerləşən İbu vulkanı bir gündə üç dəfə partlayaraq lava və kül püskürüb.

"Operativ Məlumat Mərkəzi-OMM" xəbər verir ki, bu barədə İndoneziya Geologiya İdarəsinin verdiyi açıqlamada bildirilib.

İbu vulkanında 3 partlayış nəticəsində 1200 metrə qədər yüksələn tüstü buludu meydana gəlib.

İndoneziya Milli Fəlakət İdarəsi Agentliyi də İbu vulkanında baş verən partlayışlar səbəbilə 1900-dən çox insanın bölgədən təxliyə edildiyi və minlərlə hektar ərazinin zərər gördüyü məlumatını paylaşıb.