Yəmən Ənsar Allah hərəkatının husiləri Tel-Əvivdə Ben Qurion hava limanına hücum ediblər.
"Operativ Məlumat Mərkəzi-OMM" xəbər verir ki, bu barədə husilərə məxsus “Al Masirah” telekanalı məlumat yayıb.
"2 Fələstin hipersəs raketi ilə Yaffadakı Ben Qurion hava limanına hücum etdik",- deyə açıqlamada bildirilib.
Məlumata görə, hücum nəticəsində azı 18 nəfər xəsarət alıb, hava limanı müvəqqəti bağlanıb.
Husilər İsrail Qəzza zolağına quru və hava zərbələrini dayandırana qədər hücumlarını davam etdirəcəklərini vəd ediblər.
İsrail Müdafiə Qüvvələri ötən gün Sənada beynəlxalq hava limanına və Yəməndə Ənsarullah hərəkatının bəzi hərbi obyektlərinə hücum edildiyini bildirib.
