Husilər bildiriblər ki, İsrail gəmilərinin Qırmızı və Ərəb dənizlərinə, həmçinin Bab əl-Məndeb boğazına və Ədən körfəzinə daxil olması qadağandır. Onlar qadağanı pozan istənilən İsrail gəmisinə hücum edəcəkləri ilə hədələyiblər.
"Operativ Məlumat Mərkəzi-OMM" xəbər verir ki, bu barədə “Al Hurra” xəbər agentliyi məlumat yayıb.
“Ənsar Allah” qruplaşması bu yolla Qəzzaya humanitar yardımın bərpası üçün yəhudi dövlətinə təzyiq göstərməyə çalışır.
Husi lideri qeyd edib ki, İsrail dörd gün ərzində Qəzza zolağına yardım qadağasını aradan qaldırmasa, qrup İsrailə qarşı dəniz əməliyyatlarını bərpa edəcək.
“İsrail gəmiçiliyinə qoyulan qadağa Qəzza sərhəd keçid məntəqələri açılana və humanitar yardım, qida və dərmanların daxil olmasına icazə verilənə qədər davam edəcək”, - deyə bəyanatda bildirilir.
