Türkiyənin xarici işlər naziri Hakan Fidan sabah Birləşmiş Ərəb Əmirliklərinə (BƏƏ) səfər edəcək.
"Operativ Məlumat Mərkəzi-OMM" xəbər verir ki, bununla bağlı Türkiyə KİV məlumat yayıb.
Bildirilib ki, Fidanın BƏƏ-də aparacağı görüşmələrdə ikitərəfli münasibətlər, Qəzza və Suriya məsələləri gündəmdə olacaq.
Naziin BƏƏ-də keçirəcəyi görüşlərdə Türkiyənin BƏƏ ilə çoxşaxəli əməkdaşlığını daha da inkişaf etdirmək istədiyini ifadə etməsi və ABŞ Prezidenti Donald Trampın 29 sentyabrda elan etdiyi plan da daxil olmaqla, Qəzzada atəşkəsin və sülhün təmin olunmasına yönəlik səylər barədə məsləhətləşmələr aparması nəzərdə tutulur.
Fidanın BƏƏ-dəki görüşlər çərçivəsində Suriyada sabitlik və inkişafın təmin olunması məqsədilə Suriya hökumətinin dəstəklənməsinin vacibliyini vurğulaması da planlaşdırılır.
Nazir Fidan 5 may tarixindəki BƏƏ səfəri çərçivəsində Dövlət Başçısı Məhəmməd bin Zayid Al Nahyan tərəfindən qəbul edilmiş və xarici işlər naziri Abdullah bin Zayid Al Nahyan ilə görüşmüşdü.
