Gürcüstan-Azərbaycan strateji tərəfdaşlığı regionda sabitliyin və təhlükəsizliyin təmin edilməsində mühüm rol oynayır.
"Operativ Məlumat Mərkəzi-OMM" xəbər verir ki, bunu Gürcüstanın Baş naziri İrakli Kobaxidze "X"dəki paylaşımında bildirib.
Onun sözlərinə görə, Azərbaycanın Baş naziri Əli Əsədovla görüşdə Gürcüstan-Azərbaycan ikitərəfli münasibətlərinin daha da dərinləşdirilməsi perspektivləri müzakirə olunub:
“Əli Əsədovla məhsuldar görüş keçirdim, ikitərəfli münasibətlərin müxtəlif sahələrdə daha da dərinləşdirilməsi perspektivlərini müzakirə etdik. Xüsusilə ticarət, iqtisadiyyat və enerji sahələrində əməkdaşlığın genişləndirilməsinin vacibliyini vurğuladıq. Strateji tərəfdaşlığımız regionda tərəfdaşlarımız üçün sabitliyin və təhlükəsizliyin təmin olunmasında mühüm rol oynayır”.
