Gürcüstan Ukrayna ssenarisinin baş verməməsi üçün çox səy göstərdi, lakin sülh uğrunda mübarizə davam edir.
"Operativ Məlumat Mərkəzi-OMM" xəbər verir ki, bu barədə respublikada hakim “Gürcü Arzusu-Demokratik Gürcüstan” partiyasının siyasi şurasının bəyanatında deyilir.
Partiya vurğulayıb ki, Ukraynada münaqişə davam etdiyi halda, Gürcüstanda “ikinci cəbhə”nin açılmasında həmişə maraq olacaq, ona görə də gürcü xalqı sağ qalmaq üçün sona qədər mübarizə aparmalı olacaq.
“Gürcü Arzusu” bəyanatında həm də “Dərin Dövlət” adlanan qurumun ABŞ-a və onun xarici siyasətinə nəzarət etmək cəhdlərindən bəhs edilir. Gürcüstan rəsmiləri bildiriblər ki, hazırda dünyada və Ukraynada müşahidə olunan böhranlı vəziyyətlər bu “dərin dövlətin” fəaliyyətinin nəticəsidir.
