“Qoşulmama Hərəkatına sədrliyi dövründə irəli sürdüyü təşəbbüslərə görə Azərbaycana təşəkkür edirəm”.
"Operativ Məlumat Mərkəzi-OMM" xəbər verir ki, bunu Filippin xarici işlər nazirinin müavini Karlos D.Sorreta Bakıda keçirilən Qoşulmama Hərəkatının (QH) Əlaqələndirmə Bürosunun Nazirlər Toplantısında çıxışı zamanı deyib.
"Bölgəmiz çağırışlarla doludur. Biz müxtəlif siyasi və iqtisadi problemlərlə üzləşirik və onların öhdəsindən necə gələcəyimizi aydın bilməliyik", - o deyib.
Nazir hazırda dünyanın iqlim dəyişikliyi təhlükəsi ilə üzləşdiyini vurğulayıb.
“Biz sabit və dayanıqlı sülhə nail olmaq üçün BMT Təhlükəsizlik Şurası ilə birlikdə çalışmalıyıq, daha yaxşı və təhlükəsiz gələcək naminə bu ümumi işə töhfə verməyə hazırıq”, - o bildirib.
