Fələstin prezidenti Mahmud Abbas yeni hökumətin qurulmasını təsdiqləyib.
"Operativ Məlumat Mərkəzi-OMM" "WAFA"-ya istinadən xəbər verir ki, ona Məhəmməd Mustafa sədrlik edəcək.
Mustafa artıq yaxın vaxtlarda həyata keçirməyi planlaşdırdığı islahat proqramını Abbasa təqdim edib. Fələstin Milli Administrasiyasının (PNA) rəhbəri sənədlərlə tanış olub və yeni hökumətin təsdiqi haqqında fərman imzalayıb.
Agentliyin məlumatına görə, məmurlar martın 31-i and içəcəklər.
