Əli Məmmədli
Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Cozep Borrell qeyd edib ki, Avropa İttifaqında Türkiyəyə sanksiya tətbiq etməkdən çəkinən ölkələr var.
"Operativ Məlumat Mərkəzi-OMM" xəbər verir ki, o, bunu "Euronews"un "Qlobal Müzakirələr" proqramında deyib.
Borrell gələn həftə keçiriləcək Aİ sammiti ərəfəsində Şərqi Aralıq dənizində yaranmış gərginliklə bağlı Türkiyə ilə münasibətlərdə əhəmiyyətli yaxşılaşmanın olmadığını bildirib.
Aİ-yə üzv ölkələrin dövlət və hökumət başçılarının Türkiyəyə qarşı sanksiya məsələsini dəyərləndirəcəyini bildirən Borrell bəzi ölkələrin bu məsələdə istəksiz olduğunu qeyd edib.
Borrell Türkiyə və Rusiyanın son zamanlar xüsusilə Aralıq dənizi, Suriya və Qafqazda təsirlərini artırdığına diqqət çəkib.
Ali Nümayəndə, həmçinin Bayden dövründə ABŞ-Aİ münasibətlərinin gələcəyi, İranla nüvə sazişi, Çinin uyğur siyasəti, İsrail-Fələstin problemi kimi məsələləri də dəyərləndirib.
