"Lill"in mərkəz hücumçusu Conatan Devid karyerasını "İnter"də davam etdirə bilər.
"Operativ Məlumat Mərkəzi-OMM" xarici KİV-ə istinadən xəbər verir ki, “İnter” 25 yaşlı kanadalı futbolçuya illik 5 milyon avro maaş təklif edib.
Devidin qərar verməyə tələsmədiyi və buna görə də digər klublardan gələn təklifləri dinləməyi planlaşdırdığı bildirilir.
Bu mövsüm Devid bütün turnirlərdə 44 matçda meydana çıxıb, 23 qol vurub və 10 məhsuldar ötürmə edib.
Davidin "Lill"lə hazırkı müqaviləsi bu yay başa çatır.
"Transfermarkt" mütəxəssisləri futbolçunun dəyərini 45 milyon avro qiymətləndirir.
