Çin Litva vətəndaşlarına viza verilməsini dayandırıb

Çin Litva vətəndaşlarına viza verilməsini dayandırıb, lakin Pekin bu qərarın səbəbləri və bu tədbirin müvəqqəti olub-olmaması barədə Vilnüsə əlavə məlumat verməyib.

"Operativ Məlumat Mərkəzi-OMM" xəbər verir ki, bu barədə Litva Xarici İşlər Nazirliyinin rəhbəri Qabrielius Landsberqis bildirib.

"Bu barədə bizə məlumat verilib. Əlavə məlumat verilmir. Mən bilirəm ki, Litva vətəndaşları lazım gələrsə, başqa ölkələrdə, Polşada və ya başqa yerlərdə qəbul oluna bilər", - deyə Landsberqis deyib.