Çin ABŞ prezidenti Donald Trampın ilk administrasiyası ilə 2020-ci ildə əldə olunan razılaşmalar əsasında ABŞ ilə ticarət siyasəti danışıqlarına başlamaq niyyətindədir.
"Operativ Məlumat Mərkəzi-OMM" TASS-a istinadən xəbər verir ki, bu barədə “The Wall Street Journal” (WSJ) məlumat yayıb.
Məlumatlara görə, Çin ticarət müharibəsinin qarşısını almaq üçün Trampla ilk prezidentlik dövründə bağladığı, ABŞ-dən idxalı 200 milyard dollar artırmaq öhdəliklərini özündə əks etdirən “birinci mərhələ” razılaşmalarına qayıtmaq istəyir.
Pekin Ümumdünya Ticarət Təşkilatı çərçivəsində danışıqlar aparmağa çalışacaq, həmçinin Amerika iqtisadiyyatına, xüsusən də elektromobillər üçün akkumulyatorların istehsalına sərmayələri artıracaq, həmçinin yuanın süni şəkildə ucuzlaşdırılmasından əl çəkəcək.
