Azneft-Bilgəh-hava limanı marşrutu üzrə 125 məntəqədə 185 yeni məlumat lövhəsi quraşdırılıb.
Bu barədə Musavat.com Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə (AYNA) istinadən xəbər verir.
"Yollarda təhlükəsizliyi və məlumatlılığı artırmaq üçün istiqamətlərin ilkin göstəricisi olan yol nişanları quraşdırılır. Bu, sürücülərin öncədən qərar verməsinə kömək edir və nəticədə qəfil manevrların qarşısı alınmaqla yol hərəkəti təhlükəsizliyi artırılır, səyahət məsafələri və müddəti azalır. Bununla yanaşı, bu lövhələr sürücülər üçün daha rahat və stressiz səyahət imkanı yaradır”, - deyə məlumatda qeyd olunub.
