"Azərbaycan Dəmir Yolları" QSC (ADY) artan sərnişin tələbatını təmin etmək məqsədilə 11 oktyabrda Bakı-Ağstafa, 12 oktyabrda isə Ağstafa-Bakı istiqamətində əlavə qatar reysləri təyin edir.
ADY-dən "Operativ Məlumat Mərkəzi-OMM"-ə verilən məlumata görə, eyni zamanda, sərnişinlər 29 sentyabrdan təyin edilən həftəiçi Bakı–Ağstafa–Bakı əlavə reysləri ilə, eləcə də hər gün Bakı–Qazax–Bakı marşrutu ilə səfər edə bilər.
Biletləri dəmiryol kassalarından, ADY-nin rəsmi saytından və ya “ADY Mobile” tətbiqindən əldə etmək olar.
