"Həll edilməmiş Fələstin məsələsi təkcə Qəzzada deyil, Livan, Suriya və Yəməndə də şiddəti artırıb"
"Operativ Məlumat Mərkəzi-OMM" xarici KİV-ə istinadən xəbər verir ki, bu sözləri Rusiyanın xarici işlər naziri Sergey Lavrov deyib.
Qərbin çoxqütblülük reallığına zidd olaraq dünya üzərində hökmranlığını qorumağa çalışdığını deyən Lavrov bunun həm də geosiyasi vəziyyətin sabitliyinin pozulmasına gətirib çıxardığını bildirib.
"Birləşmiş Millətlər Təşkilatının (BMT) qərarlarına baxmayaraq, bu günə qədər müstəmləkəçilik aradan qaldırılmayıb. Dünyada hələ də müstəqil idarə olunmayan 17 region var. Müstəmləkəçilik təcrübələri siyasətdə, iqtisadiyyatda, sosial və mədəni sahələrdə güclənir. Fələstin məsələsinin həll olunmaması təkcə Qəzzada deyil, Livan, Suriya və Yəməndə də zorakılığı artırıb. Son 1,5 ildə ərəb-İsrail qarşıdurmaları nəticəsində 47 min fələstinli mülki vətəndaş həyatını itirib. Bu, İkinci Dünya Müharibəsindən sonra ən yüksək göstəricidir", - Lavrov vurğulayıb.
