"Rusiya Qərb ölkələri ilə artıq müxtəlif münaqişə forması vəziyyətindədir, münasibətlər artıq soyuq müharibə çərçivəsindən çıxıb".
"Operativ Məlumat Mərkəzi-OMM" xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova deyib.
“Biz artıq fərqli bir münaqişə formasının içindəyik. Burada artıq alov var, bunu Qərb ölkələrinin özləri də etiraf edir”, - o bildirib.
Onun sözlərinə görə, guya “Rusiya dronları” ilə bağlı yaranan hay-küy, Avropa İttifaqı ölkələrinin cəmiyyətləri qarşısında Rusiyaya qarşı birbaşa qarşıdurmanı əsaslandırmaq məqsədi daşıyır.
Bundan əvvəl Polşanın baş naziri Donald Tusk Rusiya ilə artıq “yeni tip müharibə”nin getdiyini bildirmişdi.
