Milli Hidrometeorologiya Xidmətinin sentyabrın 6-sı saat 12:00-a olan məlumatına əsasən, ölkənin bir sıra ərazilərində yağıntılı hava şəraiti müşahidə olunub.
Bu barədə "Operativ Məlumat Mərkəzi-OMM"-ə Milli Hidrometeorologiya Xidmətindən məlumat verilib.
Bəzi yerlərdə yağıntılar leysan xarakterli olub.
Yağıntının miqdarı
Belə ki, düşən yağıntının miqdarı Daşkəsəndə 10, Gədəbəydə 6, Göygöldə 5, Tərtərdə 3, Bərdə və Yevlaxda 2, Kəlbəcər, Laçın, Qubadlı, Qusar, Quba, Xaltan, Şabran, Gəncə, Zaqatala, Balakən, Tovuz, Şəmkir, Oğuz, Qax, Naftalan, Göyçay, eyni zamanda Bakıda və Abşeron yarımadasında 1 mm-dək qeydə alınıb.
