Birləşmiş Ərəb Əmirliklərinin (BƏƏ) prezidenti Məhəmməd bin Zayed Əl Nəhyan oktyabrın 21-də Rusiyaya rəsmi səfərə gedəcək.
"Operativ Məlumat Mərkəzi-OMM" xəbər verir ki, bu barədə Kremlin mətbuat xidməti məlumat yayıb.
BƏƏ prezidenti Kazanda keçiriləcək BRİKS sammitində iştirak edəcək.
Rusiya prezidenti Vladimir Putin və Məhəmməd bin Zayed Əl Nəhyan arasında da danışıqlar baş tutacaq.
“Rusiya Federasiyasının Prezidenti Vladimir Putinlə danışıqlarda çoxşaxəli Rusiya-BƏƏ əməkdaşlığının vəziyyəti və inkişaf perspektivləri, beynəlxalq gündəlikdəki aktual məsələlər, o cümlədən Yaxın Şərq və Şimali Afrika regionunda vəziyyət müzakirə olunacaq", - deyə mesajın mətnində deyilir.
