"Nyukasl"ın yarımmüdafiəçisi Bruno Gimarayş İspaniya çempionatına keçə bilər.
"Operativ Məlumat Mərkəzi-OMM" xəbər verir ki, bu barədə "Todofichajes" portalı məlumat yayıb.
Məlumata görə, "Barselona" 27 yaşlı futbolçunu sıralarına qatmaq istəyir.
"Blauqrana" braziliyalını komandadan ayrıla biləcək Frenkie de Yonqa əvəzləyici kimi baxır.
Gimarayşın bazar dəyəri 80 milyon avro olaraq qiymətləndirilir.
İngiltərə Premyer Liqasının cari mövsümündə yarımmüdafiəçi 27 oyun keçirib, 2 qol vurub və 6 məhsuldar ötürmə edib.
Braziliyalının müqaviləsi 2028-ci ilin yayına kimi nəzərdə tutulub.
