Bakıda çoxmənzilli binalarda 141 lift dəyişdiriləcək.
"Operativ Məlumat Mərkəzi-OMM"-in məlumatına görə, bu barədə Azərbaycan Prezidenti İlham Əliyevin imzaladığı çoxmənzilli binaların lift təsərrüfatının maddi-texniki bazasının möhkəmləndirilməsi ilə bağlı əlavə tədbirlər haqqında Sərəncamda deyilir.
Sənədə əsasən, Bakıda liftlərin dəyişdirilməsinə 7 milyon manat vəsait ayrılıb.
Sumqayıtda bu məqsədlərdən ötrü 1 milyon 491 min (30 lift), Naxçıvanda 546 min (11 lift) Gəncədə 497 min manat (10 lift), Xırdalan 248 min manat (5 lift), Qazaxda 99,4 min manat (2 lift), Bərdə 49,7 min manat (1 lift) ayrılıb.
Qeyd edək ki, Azərbaycanda ümumilikdə 7 şəhər üzrə çoxmənzilli binaların 200 liftinin dəyişdirilməsinə 10 milyon manata yaxın vəsait ayrılıb
