Azərbaycan XİN İtaliyaya başsağlığı verib

“İtaliyanın Emilia-Romagna bölgəsində baş vermiş təbii fəlakət nəticəsində həlak olanların və yaralananların ailələrinə dərin hüznlə başsağlığı veririk”.

"Operativ Məlumat Mərkəzi-OMM" xəbər verir ki, bu barədə Azərbaycan Xarici İşlər Nazirliyi tviterdə paylaşım edib.

“Dualarımız itkin düşənlərlədir və zərər çəkənlərə şəfa diləyirik”, - paylaşımda bildirilib.

Qeyd edək ki, Emilia-Romagna bölgəsində baş vermiş güclü daşqınlar nəticəsində çoxsaylı dağıntı və insan tələfatı olub.