Azərbaycan və İraq FM radio yayımları üzrə tezlik təyinatlarının koordinasiyası barədə Anlaşma Memorandumu imzalayıb.
"Operativ Məlumat Mərkəzi-OMM" xəbər verir ki, bunu rəqəmsal inkişaf və nəqliyyat naziri Rəşad Nəbiyev "X" sosial şəbəkəsindəki hesabında bildirib.
"İraqa səfər çərçivəsində Rabitə və Media Komissiyasının Baş icraçı direktoru Əli Hussein Əl-Muayedlə görüşdük. İki ölkə arasında FM radiostansiyalarının koordinasiyası barədə müzakirə apardıq. Hökumətlər arasında FM radio yayımları üzrə tezlik təyinatlarının koordinasiyası barədə Anlaşma Memorandumu imzalanıb", -deyə, o qeyd edib.
