Rusiyanın Qazaxıstandakı səfiri Aleksey Borodavkin ilkin araşdırma hesabatının dərcindən sonra “Azərbaycan Hava Yolları” QSC-nin (AZAL) təyyarəsinin qəzaya uğraması ilə bağlı tələsik nəticə çıxarmamağa çağırıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Diplomat qeyd edib ki, respublikadan olan mütəxəssislər araşdırma zamanı peşəkarcasına fəaliyyət göstərirlər.
“Qazaxıstan bu faciənin bütün hallarını müəyyən etmək səylərində yüksək peşəkarlıq və obyektivlik nümayiş etdirir. Biz dəfələrlə demişik ki, Aktauda baş verən təyyarə qəzası ümumi faciədir və həlak olanların hamısına yas tuturuq" , - deyə Borodavkin qeyd edib.
