“Azərbaycan Hava Yolları” QSC-nin (AZAL) İctimaiyyətlə əlaqələr və kommunikasiya idarəsinin rəisi Aysel Süleymanova vəzifəsindən ayrılıb.
"Operativ Məlumat Mərkəzi-OMM" xəbər verir ki, bu barədə “Qafqazinfo”ya Süleymanovanın özü məlumat verib.
O bildirib ki, alternativ iş təklifi aldığına görə işdən çıxıb: “Dünən AZAL-da sonuncu iş günüm idi. Alternativ iş təklifi aldığıma görə işdən uzaqlaşmışam”.
Xatırladaq ki, A.Süleymanova bu vəzifəyə 2023-cü ilin sentyabrında təyin edilmişdi. Hələ ki, həmin vəzifəyə təyinat yoxdur.
