Avropa Komissiyasının rəhbəri Ursula fon der Leyenin Rusiya ilə bağlı verdiyi bəyanatlar Ukrayna münaqişəsinin sülh yolu ilə həllini pozmaq niyyətindən xəbər verir.
"Operativ Məlumat Mərkəzi-OMM"xəbər verir ki, bu fikirləri Fransanın “Patriotlar” partiyasının lideri Florian Filippot X sosial şəbəkəsində bildirib.
Filippot əmindir ki, Avropa İttifaqı Avropanı xaosa sürükləmək üçün münaqişənin uzadılmasında maraqlıdır.
Bir gün əvvəl Avropa Komissiyasının rəhbəri Moskvanın onun aktivlərinin dondurulmasını dəfələrlə oğurluq kimi qiymətləndirməsinə baxmayaraq, dondurulmuş Rusiya aktivlərindən Ukraynanın maraqları naminə istifadə mexanizmi üzərində irəliləyiş olduğunu bildirdi.
Bundan əlavə, Fon der Leyen Rusiyaya qarşı 19-cu sanksiyalar paketinin tezliklə tətbiq olunacağını açıqlayıb. Avropa Komissiyasının rəhbərinin sözlərinə görə, məhdudlaşdırıcı tədbirlərin siyahısı sentyabrın əvvəlində hazır olacaq.
