Mədəniyyət Nazirliyi attestasiya imtahanından narazı olan müəllimlərlə bağlı xəbərlərə reaksiya verib.
"Operativ Məlumat Mərkəzi-OMM" xəbər verir ki, nazirlikdən “Xəzər TV”yə verilən məlumata görə, attestasiyadan keçə bilməyən müəllimlərə iş imkanları yaradılacaq.
Həmçinin yaşı 60-dan yuxarı olan təhsilverənlərə də bu imkanlar tanınacaq. Siyahıda sağlamlıq problemi olan müəllimlər də yer alır.
Nazirlikdən bildirilib ki, attestasiyada uğur qazanmayan, lakin gələcəkdə daha yaxşı nəticələr əldə etmək potensialı olan müəllimlərin işə qəbul imtahanlarında iştirak etmək hüququ saxlanılır. Bu müəllimlər işə qəbul imtahanlarında yüksək nəticə göstərməklə məktəblərə qayıtmaq imkanı əldə edəcəklər.
Nazirlikdən verilən məlumatda attestasiyada 1200 nəfərin yüksək nəticə ilə uğurla keçdiyi, 492 müəllimin isə tutduğu vəzifəyə uyğun hesab edilmədiyi bildirilib. Növbəti attestasiya may ayında keçiriləcək.
