"Arsenal" "Real Sosyedad"ın yarımmüdafiəçisini heyətinə qatmaq istəyir.
"Operativ Məlumat Mərkəzi-OMM" "Mundo Deportivo"ya istinadən xəbər verir ki, "topçular" baş məşqçi Mikel Artetenin çox bəyəndiyi Mikel Merinoya müqavilə təklif ediblər.
"Arsenal"ın tezliklə Merinonun transferi ilə bağlı "Real Sosyedad" ilə əlaqə saxlayacağı gözlənilir.
28 yaşlı yarımmüdafiəçi "Transfermarkt" tərəfindən 50 milyon avro dəyərində qiymətləndirilir.
Bir il sonra futbolçunun müqaviləsinin bitdiyini nəzərə alsaq, "Real Sosyedad" futbolçunu daha aşağı qiymətə buraxa bilər.
Merino bu yaxınlarda İspaniya millisinin heyətində Avropa çempionu olub. La Liqanın son mövsümündə yarımmüdafiəçi 5 qol vurub və 3 asist edib.
