"Real Madrid"in baş məşqçisi Karlo Ançelotti "kral" klubunun başındakı matçların sayına görə komandanın keçmiş baş məşqçisi Zinəddin Zidanı qabaqlayıb.
"Operativ Məlumat Mərkəzi-OMM" xarici KİV-ə istinadən xəbər verir ki, superkubokun finalında "Barselona" ilə dünənki görüş italiyalı üçün 264-cü oldu.
Beləliklə, Ançelotti bu göstəriciyə görə ikinci yerə çıxıb.
Mütləq lider Miquel Munozdur. Onun rəhbərliyi altında Madrid qrandı 605 matç keçirib.
Ançelotti 2021-ci ilin yayında "kral" klubuna qayıdıb. Tərəflər arasında qüvvədə olan müqavilənin müddəti 2025/2026 mövsümünün sonunda başa çatır.
