Azərbaycan Milli Elmlər Akademiyası (AMEA) Rəyasət Heyətinin növbəti iclası keçirilib, Elm Gününün keçirilməsi ilə bağlı müvafiq tapşırıqlar verilib.
AMEA-dan "Operativ Məlumat Mərkəzi-OMM"-ə verilən məlumata görə, tədbirdə AMEA-nın prezidenti akademik İsa Həbibbəyli, Rəyasət Heyətinin üzvləri, Rəyasət Heyəti aparatının şöbə müdirləri və aidiyyəti şəxslər iştirak ediblər.
Akademik İsa Həbibbəyli bildirib ki, bu il AMEA-ya dövlət başçısının “Naxçıvan Muxtar Respublikasının 100 illik yubileyinin qeyd edilməsi haqqında” və “Məhəmməd Əmin Rəsulzadənin 140 illiyinin qeyd edilməsi haqqında” sərəncamlarından irəli gələrək müvafiq tapşırıqlar verilib.
Daha sonra fevralın 29-da AMEA-nın Ümumi Yığıncağının keçirilməsi qərara alınıb.
İclasda 27 mart - Elm Gününə hazırlıq haqqında da müzakirələr aparılıb və İsa Həbibbəyli Elm Gününün yüksək səviyyədə keçirilməsi ilə bağlı müvafiq tapşırıqlarını verib.
Eyni zamanda AMEA-nın prezidenti akademik İsa Həbibbəylinin sədrliyi ilə kriptoqrafiya sahəsində elmi araşdırmaların əlaqələndirilməsi məqsədilə komissiya yaradılıb, həmçinin AMEA-nın Tarix və Etnologiya və Arxeologiya və Antropologiya institutlarında direktor vəzifəsinə seçkilərin keçirilməsi qərara alınıb.
