Afət Ziyadqızı
Bu gün Avropa İttifaqı (Aİ) Serbiya və Kosovo arasındakı gərginliyin aradan qaldırılması məqsədilə böhran danışıqları keçirəcək.
"Operativ Məlumat Mərkəzi-OMM" xəbər verir ki, Aİ Serbiya Prezidenti Aleksandar Vuçiç və Kosovo Baş naziri Albin Kurtini bu məqsədlə Brüsselə çağırılıb.
“Mən Serbiya və Kosovo liderlərini hazırkı böhrandan çıxış üçün yolların tapılması məqsədilə Brüsselə çağırmışam”, - Aİ-nin xarici siyasət idarəsinin rəhbəri Cozep Borrel deyib.
Borrel qeyd edib ki, təcili de-eskalasiyaya və Kosovo serblərinin iştirakı ilə ölkənin şimalında yeni seçkilərin keçirilməsinə ehtiyac var.
