ABŞ prezidenti Donald Trampın Fələstinə dəstək nümayişlərində iştirak edən tələbələrin deportasiyasını təmin edən sərəncamından sonra ölkə daxilində tələbələr və məzunlar üçün vizaların ləğvi davam edir.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
ABŞ mətbuatında yer alan xəbərlərə görə, ölkənin aparıcı universitetlərində təhsil alan və ya təhsilini yenicə başa vuran yüzlərlə tələbənin vizalarına xitam verilib.
Kaliforniya Universitetinin (UCLA) rektoru Julio Frenk açıqlamasında 6 hazırkı və 6 məzunun vizasının ləğv edildiyini təsdiqləyib.
Eyni şəkildə, Kaliforniya Berkeley Universitetinin 6 və Stenford Universitetinin 4 tələbə və 2 məzunun da vizalarının ləğv edildiyi qeyd olunub.
