ABŞ və Böyük Britaniya Avropadakı müttəfiqlərinə Rusiyaya təzyiqi artırmaq üçün 2024-cü ildə Moskvadakı diplomatik nümayəndəliklərinin sayını azaltmağı təklif ediblər.
"Operativ Məlumat Mərkəzi-OMM" xəbər verir ki, "Reuters" bu barədə Amerika rəsmisinə istinadən məlumat yayıb.
Məlumata görə, Böyük Britaniya və ABŞ-ın 2024-cü ilin sonunda hazırladığı birgə memorandum layihəsində Avropanın Rusiyanı Avropadakı səfirliklərinin işçilərini azaltmağa məcbur etmək üçün Moskvadakı diplomatik mövcudluğunu azaltması təklif edilib.
Keçmiş ABŞ rəsmisi agentliyə bildirib ki, bu cür addımlar hələ də Avropa ölkələri tərəfindən müzakirə olunur.
