ABŞ raketlərinin Almaniyaya yerləşdirilməsi bu ölkədə “ən pis variant” adlandırılıb

Silah ehtiyatı Almaniya üçün həll yolu deyil. Berlin Amerika raketlərinin Almaniya ərazisində yerləşdirilməsinə icazə vermək əvəzinə Rusiya ilə danışıqlar aparmalıdır.

"Operativ Məlumat Mərkəzi-OMM" xəbər verir ki, bu barədə Almaniya Sosial Demokrat Partiyasından olan deputat Ralf Şteqner WDR telekanalına müsahibəsində bildirib.

“Biz Rusiya ilə danışıqlara başlaya biləcəyimizi görməliyik. Mən başa düşürəm ki, bu, çətindir, lakin silahlanma ən pis variantdır”, - deyə o qeyd edib.

Deputat vurğulayıb ki, ABŞ raketlərini Almaniyada yerləşdirməklə, Rusiya ilə silahlanma yarışına girməklə dünyanı təhlükəyə atmağa ehtiyac yoxdur.