OMM Redaksiyası
İran Xarici İşlər Nazirliyinin sözçüsü Nasser Kenani ABŞ-nin Qəzzada həll yolunun deyil, soyqırımın davam etdirilməsinin bir parçası olduğunu bildirib.
"Operativ Məlumat Mərkəzi-OMM" xəbər verir ki, XİN sözçüsü bu barədə paytaxt Tehranda keçirilən mətbuat konfransında qeyd edib.
Sözçü Kənani İsrailin hücumları nəticəsində minlərlə insanın həyatını itirdiyi Qəzzada atəşkəslə bağlı diplomatik danışıqların davam etdiyini və bu məsələnin İranın birinci prioriteti olduğunu bildirib.
Birləşmiş Millətlər Təşkilatının (BMT) Baş katibi Antonio Quterreşə Qəzzada atəşkəs əldə etmək üçün göstərdiyi səylərə görə təşəkkür edən Kenani, BMT Təhlükəsizlik Şurasının (BMT TŞ) Qəzzada təcili atəşkəs tələb edən qətnamə layihəsinə humanitar səbəblərə görə veto qoymasını təəssüf hissi ilə dəyərləndirib.
Kenani iddia edib ki, ABŞ-nin atəşkəs tələb edən qanun layihəsinə veto qoyması Qəzza müharibəsinin həllinin bir hissəsi deyil, Qəzza xalqına qarşı soyqırımın davam etdirilməsinin bir hissəsi olduğunu göstərib.
Kenani İran prezidenti İbrahim Rəisinin Türkiyə səfərinin ləngiməsi ilə bağlı məsələyə toxunaraq, "İki tərəfin qarşılıqlı razılığı ilə səfərin münasib vaxta keçirilməsi təxirə salındı. Bəziləri siyasi məqsədlərlə məsələni bulandırmaq üçün proqnozlar verir",- deyə qeyd edib.
