ABŞ İranın İsrailə hücumunun gözlənilməz məqsədini açıqlayıb

İsrail ərazisinə hücumlardan sonra İran Tehranın hərbi texnologiyasının Qərbin hava hücumundan müdafiə sistemləri və taktikası ilə rəqabət apara bilib-bilməyəcəyini öyrənmək üçün Təl-Əvivi və Vaşinqtonun reaksiyasını diqqətlə izləyəcək.

"Operativ Məlumat Mərkəzi-OMM" xəbər verir ki, bu barədə "Bloomberg" mənbələrə istinadən yazıb.

Adı açıqlanmayan keçmiş ABŞ kəşfiyyat rəsmisinin sözlərinə görə, İran gələcək hücumlar üçün toplanan məlumatlardan istifadə etməklə yanaşı, öz silahlarının effektivliyini artırmaq üçün də istifadə edə bilər.

Analitik Maykl Dimino agentliyə bildirib ki, hücum təyyarələri və qanadlı raketlər İsrailin hava hücumundan müdafiəsini məğlub etmək və çaşdırmaq məqsədi daşıyan əlaqələndirilmiş, çoxtərəfli cavab tədbirlərinin bir hissəsidir.