OMM Redaksiyası
Birinci Qarabağ müharibəsi zamanı Şuşanın Daşaltı kəndində itkin düşən və Vətən müharibəsindən sonra basdırıldığı yer müəyyənləşdirilən Araz Rüstəmovun meyitinin qalıqları Xızı rayonunun Giləzi qəsəbəsinə gətirilib.
"Operativ Məlumat Mərkəzi-OMM" xəbər verir ki, şəhidin cənazəsini qəsəbənin girişində ailə üzvləri, yaxınları, rayon icra hakimiyyətinin və hüquq-mühafizə orqanlarının əməkdaşları, eləcə də rayon ictimaiyyətinin nümayəndələri qarşılayıb.
A.Rüstəmovun meyitinin qalıqları Giləzidə doğulub, boya-başa çatdığı evinə aparılıb. Burada şəhidlə vida mərasimi keçirilir.
Mərasimdən sonra A.Rüstəmov Giləzi qəsəbəsinin Şəhidlər xiyabanında dəfn olunacaq.
