Çində üç yaşlı uşaq 18-ci mərtəbənin pəncərəsindən yıxılaraq sağ qalıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Hadisə iyulun 15-də Çinin cənub-şərqində yerləşən Hanço şəhərində baş verib.
Uşağın valideynləri onu nənə və babasına əmanət ediblər. Yaşlılar uşağın yatdığını güman edərək qısa müddətə qapını bağlayıb alış-verişə çıxıblar.
Bu zaman uşaq oyanaraq vanna otağına keçib və oradakı pəncərədən aşağı düşüb. Onun yerə düşərkən ağaca çırpılması zərbəni yüngülləşdirib.
Uşağı yerə yıxılmış vəziyyətdə yerli sakin tapıb və təcili tibbi yardım çağırıb. Həkimlər uşağın sol qolunda sınıq və başqa bədən xəsarətləri müəyyən ediblər, başında isə heç bir zədə aşkarlanmayıb.
