Rusiya bəyan edir ki, ABŞ və müttəfiqlərinin Rusiya sərhədlərində vəziyyəti daha da pisləşdirmək üçün Cənubi Qafqazda regiondaxili mübahisələrdən istifadə etmək cəhdləri güclənir.
"Operativ Məlumat Mərkəzi-OMM" xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarovanın 2008-ci ilin avqustunda Qafqazda baş verən hadisələrin ildönümü ilə bağlı şərhində deyilir.
Diplomat qeyd edib ki, Cenevrə danışıqlarının iştirakçıları ilk növbədə öz potensiallarından istifadə edərək Gürcüstan və Abxaziya və Cənubi Osetiya arasında güc tətbiq etməmək barədə sazişlər hazırlamalıdırlar.
Zaxarovanın sözlərinə görə, son vaxtlar ABŞ və onun müttəfiqləri Rusiya sərhədlərində vəziyyəti gərginləşdirmək cəhdlərini gücləndirdikcə bu missiyaların əhəmiyyəti artıb. Diplomat onu da əlavə edib ki, Rusiyanı qəzəbləndirmək istəyən Qərb dövlətləri Cənubi Qafqaz dövlətlərinin maraqlarını unudub, onların təhlükəsiz və şərəfli mövcudluğunu təhlükə altına qoyur.
İyulda Gürcüstanın baş naziri İrakli Kobaxidze bəyan etmişdi ki, gürcü müxalifəti parlament seçkilərində qalib gəlsə, ölkədə Rusiya ilə hərbi münaqişədə ikinci cəbhə açılacaq.
