“Barselona”nın baş məşqçisi Xavi UEFA Avropa Liqasının 1/16 finalının “Mançester Yunayted” ilə cavab oyunundan sonra (1:2) açıqlama verib.
"Operativ Məlumat Mərkəzi-OMM" xarici KİV-ə istinadən xəbər verir ki, o, komandasının yaxşı çıxış etdiyini vurğulayıb:
“İkinci hissə komandamda kompozisiya çatmırdı. Daha çox səbirli olmaq lazımdır. Kiçik detallara görə uduzduq. Səhv etdik və rəqib iki qol vurdu. Ümumiyyətlə, yaxşı çıxış etdik, vuruşduq”.
İki oyunun nəticəsinə əsasən, “qırmızı şeytanlar” Kataloniya təmsilçisini 4:3 hesabı ilə məğlub edərək, növbəti mərhələyə adını yazdırıb.
Premyer Liqa təmsilçisinin 1/8 finalda rəqibi bu gün keçiriləcək püşkatmadan sonra məlum olacaq.