“İran ABŞ-lə iqtisadi əməkdaşlıq imkanlarını təklif edib”.
“Operativ Məlumat Mərkəzi-OMM” xəbər verir ki, bu barədə CBS News diplomatik mənbələrə istinadən məlumat yayıb.
Məlumata görə, ABŞ ilə dolayı danışıqlar zamanı İran Amerika təyyarələrinin alınması ilə bağlı mümkün razılaşmanı, eləcə də neft və qaz layihələrinə birgə investisiyaların araşdırılması imkanlarını təklif edib.
Bildirilir ki, Tehran sanksiyaların aradan qaldırılmasına nail olmağa çalışır və bu çərçivədə Vaşinqtonla iqtisadi əməkdaşlığa hazır olduğunu bəyan edib. Hesabatda qeyd olunur ki, təkliflərə ABŞ istehsalı olan təyyarələrin alınması və neft-qaz yataqlarına çıxış məsələləri daxildir.
CBS-in məlumatına görə, danışıqlar zamanı İran diplomatları ABŞ Prezidentinin xüsusi elçisi Steve Uitkofa nüvə proqramı ilə bağlı müzakirələrin digər məsələlərdən ayrılmasını tövsiyə ediblər. Kanalın bildirdiyinə görə, amerikalı rəsmi bu ideyanı dəstəkləyib.
