ABŞ-nin Bakıdakı Səfirliyi Qurban bayramı ilə bağlı rəsmi "X" sosial şəbəkə hesabında təbrik mesajı yayımlayıb. Səfirlik Azərbaycanda və dünyanın müxtəlif bölgələrində bu bayramı qeyd edən hər kəsə xoş arzularını çatdırıb.
Paylaşımda Qurban bayramının mərhəmət, səxavət və birlik kimi dəyərləri özündə ehtiva etdiyi qeyd olunub. Həmçinin, bu bayramın Azərbaycanın dini tolerantlıq və multikulturalizm ənənələrinin göstəricisi olduğu vurğulanıb.
Səfirlik ABŞ və Azərbaycan arasında mövcud olan güclü tərəfdaşlıq münasibətlərinə və xalqlar arasındakı əlaqələrə xüsusi önəm verdiyini bildirərək, Azərbaycan xalqını bayram münasibətilə təbrik edib.
