“Böyük Britaniya ABŞ-nin İrana qarşı zərbələr üçün bazalardan istifadəsini bloklayıb”.
“Operativ Məlumat Mərkəzi-OMM” xəbər verir ki, bu barədə “The Times” qəzeti məlumat yayıb.
Nəşrin yazdığına görə, Böyük Britaniyanın Baş naziri Keir Starmer ABŞ Prezidenti Donald Trampa Londonun Hind okeanındakı Diego Garcia adasında və İngiltərənin RAF Fairford bazasında yerləşən hərbi obyektlərin İrana qarşı zərbələr üçün istifadəsinə icazə verməyəcəyini bildirib.
Qeyd olunur ki, London və Vaşinqton arasında uzunmüddətli müqavilələrə əsasən, sözügedən bazalar üçüncü ölkələrə qarşı hərbi əməliyyatlar məqsədilə yalnız Britaniya hökumətinin əvvəlcədən razılığı ilə istifadə oluna bilər.
“The Times”ın məlumatına görə, Britaniya obyektlərindən istifadə ilə bağlı fikir ayrılığı ABŞ Prezidentinin “Chagos Archipelago” ilə bağlı razılaşmanı dəstəkləməkdən imtinasına da təsir göstərib.
Fevralın 18-də Tramp Böyük Britaniyanın Hind okeanındakı Çaqos arxipelaqında yerləşən Dieqo Qarsiya hərbi bazası üzərində tam nəzarəti saxlamasının vacibliyini vurğulayıb və Vaşinqtonun İrana qarşı mümkün zərbələr üçün bu bazaya ehtiyac duya biləcəyini qeyd edib.
