Rusiyanın Ukraynanın qərb bölgələrinə endirdiyi kütləvi raket zərbəsi zamanı Polşanın hava məkanı pozulub.
"Operativ Məlumat Mərkəzi-OMM" xəbər verir ki, bu barədə Polşanın Baş naziri Donald Tusk "X" sosial şəbəkəsində paylaşım edib.
Donald Tusk bildirib ki, insidentlə əlaqədar müdafiə naziri və aidiyyəti xidmətlərin rəhbərlərinin iştirakı ilə koordinasiya qrupunun iclasını çağırıb.
"Rusiyanın Ukraynanın qərb bölgələrinə endirdiyi kütləvi raket zərbəsi zamanı Polşanın hava məkanı pozulub. Bununla əlaqədar müdafiə nazirinin və müvafiq xidmətlərin iştirakı ilə koordinasiya qrupunu çağırdım. Onlar artıq bir neçə saatdır hadisə yerində işləyir və baş verənlə bağlı bütün məlumatları mənə mütəmadi olaraq çatdırırlar", – deyə Polşanın Baş naziri vurğulayıb.
