Qardaş Azərbaycan ölkəmizin yardım çağırışını gözləmədən Prezident İlham Əliyevin göstərişi ilə hərəkətə keçib.
"Operativ Məlumat Mərkəzi - OMM" xəbər verir ki, bunu Türkiyənin Azərbaycandakı səfiri Cahit Bağçı mətbuat konfransında deyib.
“Zəlzələnin səhəri gün FHN rəhbəri hörmətli Kəmaləddin Heydərov mənə zəng vuraraq zəlzələ bölgəsinə göndərilmək üçün axtarış-xilasetmə qrupunun hazır olduğunu bildirdi. Qeyd etdi ki, heyət qısa müddət sonra artıq hava limanına yola düşəcək. Zəlzələ baş verəndən heç 6 sat keçməmiş artıq heyət Türkiyəyə yola düşdü, Eyni gün içərisində toplam 3 təyyarədə 400-dən çox heyət Türkiyəyə göndərildi.
