Qətərdən olan vasitəçilər Tehranda danışıqları başa çatdırıblar, bundan sonra ABŞ və İran İsveçrədə müqavilə imzalamadan əvvəl Dohada hazırlıq məsləhətləşmələri keçəcəklər.
“Operativ Məlumat Mərkəzi-OMM”-in məlumatına görə, bu barədə CNN telekanalı diplomatik mənbəyə istinadən xəbər verib.
Məlumata görə, Qətər vasitəçiləri 17 saatlıq intensiv danışıqlardan sonra Tehranı tərk ediblər.
CNN mənbəsi bildirib ki, bu həftə Dohada hər iki tərəfin nümayəndələri ilə ayrıca hazırlıq görüşləri keçiriləcək.
Məsləhətləşmələrin ABŞ və İran arasında İsveçrədə müqavilənin imzalanmasına hazırlıqların bir hissəsi olması gözlənilir.
